Video 《愈老愈吸金》53歲方中信法拉利貝沙灣連環掃

男人通常都愈老愈型，係講「港版李察基爾」呀！芳齡53嘅方中信除咗型之外，仲好有計，最近3個月，佢買完法拉利，再買貝沙灣，速度快過佢老婆買餸。

鬼咩！呢幾年轉賺人仔嘅方中sir喺強國好吃得開，舊年佢同強國花旦孫儷一拍就勁有火花，《羋月傳》全國爆hit，方中sir紅咗，每集酬勞升價到30萬人仔。仲有不知幾多商演排住隊等佢做，呢啲咪叫爭住送錢佢使囉！

男人賺到錢就身痕，今年6月方中sir一口氣買咗兩部新車，一部法拉利盛惠450萬，咁畢竟方中sir都係圈中賽車手，冇咁上下嘅辣跑都襯唔起佢。而另一部61萬嘅Benz就係買俾老婆莫可欣嘅！都算有老婆心。

買開有條癮，上個月方中sir再掟多三千幾萬入咗貝沙灣一個單位，原來係送俾囡囡迦晴將來做嫁妝，咁依家就放住租先。曾經講過唔結婚唔生仔，淨係養狗仔嘅方中sir，做咗老豆之後，竟然由浪子變咗慈父，呢單嘢真係巧神奇。

壹週Plus : http://hk.next.nextmedia.com
即 like 壹週Plus fb : http://www.facebook.com/nextmagazinefansclub