Video شيلة ياشبيه الريم حصري2017/كلمات واداء متعب الخيل صوت الفخامة/تصميم يتيم الشوق

ياشبيه الريم مدري وش طرالي
قمت اسوق الرجل في نجد العذيه
-
ضايقً صدري ولا يرتاح بالي
لين اغني فيك شيله عالميه
-
شاعرً في كل وقت وكل حالي
البيوت اصفها صف السريه
-
من فضل ربي ماجيب الا الجزالي
لاكتبت البيت الاول جاء خويه
-
يستعد مايستريح ولا يبالي
لجل عينك كلً يدق الـتحيه
-
مـاهو بمعروف من نسج الخيالي
القصيده في وصوفك واقعيه
-
الله اللي لبسك تاج الجمالي
والغرور اعماك عن كل البريه
-
شايفً حالك ولا عاينت حالي
كنك بعينك محملني زريه
-
يابعد حيي ترى ماني شمالي
لاتضيق صدري وتزعل عليه
-
روحي مع شاعرك ولا تعالي
اسمعي من شاعرك كل القضيه
-
الحلا والملح كله والدلالي
ضاع قلبي بين هذيه وذيه
-
ماتركتي للبنات اية مجالي
كن زينك مـ انخلق فـالزين زيه
-
القصيرات ان حضرتي والطوالي
كلبوهن صف يبغن الحذيه
-
وان لعبتي صفقو يله يالالي
وان وقفتي فـ المنصه نرجسيه
-
لو وراك الموت مع سود الليالي
في نحرك الصبح من عقب العشيه
-
كم هنوفً قالت الله وش بقالي
ليت مافيها من الاوصاف فيه
-
الرجال تقول ياليته حلالي
وانتي تقولين بسم الله عليه
-
الدلع ذابحك والشوق استوالي
موقدً ناري ونار الشوق حيه
-
يوم اخذتي مع دروبك راس مالي
قلبي اللي راح مع دربك ضحيه
-
-
متعب الخيل