Video حلويات العيد 2016 كروكي رولي بالشوكولا

المقادير : 8 بيضات كاملة و بياض بيضتين و نحتفط بالصفار باه ندهن بيه من الفوق 2 كيسان و نصف سكر عادي كاس زيت 2 علب ياغورت ( ذوق فاني او فراولة او اي ذوق تحبي ) لعقة صغيرة فانيليا من الاحسن نتاع الميزان 4 أكياس خميرة كيميائية و نبدأ في اضافة الفرينة لما يتشكل خليط شوية عاقد نحي منو شوية نضيفلو الكاكاو و نكمل ننشف بالفرينة حتى نتحصل على عجينة طرية تلصق شوية في اليد ، نقسمها الى كويرات هذه المقادير تخرجلك 8 كويرات بيضاء تكون كبيرة شوية في الحجم و 8 كريات سوداء صغيرة في الحجم ، ندهن الصينية بالزيت و نحل الكرية البيضاء شوية برك ماشي بزاف و نضع فوقها قرصة سوداء و نروليها بالطول نتحصل على حربوش ، نصففها في البلاطو مثل ما نعمل الكروكي العادي ، ندهنها بصفاؤ البيض و ندخلها الفرن المسخن باه تطيب لكن تكون النار ناقصة باه ما يجيش معجن ، كي يحمار من الفوق نخرجه من الفرن و نتركه يبرد ، للتزيين ذوبت شكولاطة سوداء و شكولاطة بيضاء دهنت الحرابيش و عملت خطوط و شكلتها كيما الميلفاي و خليتو يبات غدوة من ذاك قسمتو